朱光宇
本报英超首席记者
呢个周中英超开快车,连续作战对于球队嘅板凳深度係个考验。相比而言,豪门球队人员够多,可以车轮战应付,更值得睇好,曼联同车路士就係如此。
曼联同车路士都客场作战,分别挑战热刺同朴茨茅夫,呢两场比赛有个突出特点,就係曼联同车路士往绩占据明显优势
。曼联过往四次同热刺较量都取胜。车路士到朴茨茅夫做客就更加搞笑,连续四次都赢2比0。上周末足总杯,曼联已同热刺较量过,即使先失一波,依然靠住强劲攻击力赢番对手。从比赛睇,热刺防守始终有问题,最明显係主力中卫道臣争高波都手球,认真失礼。而曼联中前场主力普遍无伤病,主力位置有限,上得场梗係要全力以赴,所以睇好曼联赢到热刺。
车路士就同朴茨茅夫较量,大家都有主力球员参加非洲杯,不过车路士已引进咗安历卡,有效提高咗球队攻击力。最近5个客场,车路士都取胜,并且只失两个波,防守坚固,呢招客场其实好煞食,防守反击,入到波就可以赢到对手,估计呢次对住朴茨茅夫应该唔例外。
(编辑:Robby)