海外线人
米高·格雷
《曼彻斯特晚报》英超供稿人
相信喺赛季之前冇乜人会谂到,少咗亨利嘅阿仙奴可以好似依家咁风生水起。周中嘅补赛虽战平纽卡素,不过枪手领先曼联仍有4分之多。今次做客排喺倒数第3位嘅米
杜士堡,我有啲担心阿仙奴班后生仔会过于放松。喺战术方面,相信领队云加都会有所保留,毕竟一个星期之后就会迎来同车路士嘅大战,云加肯定唔希望睇到近况大勇嘅艾迪拜约等人有啲乜嘢冬瓜豆腐。最近两次做客米杜士堡嘅河畔球场,阿仙奴只攞到1平1负嘅不胜成绩。米堡近4战打出3场平局,状态较之前亦有改善。今场波,枪手好难大胜。
另外我仲收到风,话纽卡素班主将有啲唔满意领队艾拿迪斯嘅战术打法,媒体盛传话舒利亚可能喺圣诞节之后接手喜鹊。伯明翰嘅前苏格兰领队麦格利殊啱啱到任就带领球队客胜热刺。今次伯明翰可望继续抢分。(编译:何延国)
(编辑:Robby)
|