朱光宇

本报英超首席记者

经历咗上周末双红大战后，呢个周末又有伯明翰打比，阿士东维拉客场应该可以赢番铺。而打比郡同韦斯咸较量，主队有机会摸和对手。

伯明翰係英格兰第二大城市，呢个赛季随着伯明翰番到英超，重新有番打比

另外一支升班马打比郡，周末同样坐镇主场，就对住伦敦球队韦斯咸。斧头帮呢个夏天买咗唔少人，不过伤兵似乎一路都好多，比拿米、森摩亚、帕加、戴亚、基亚斯、龙格堡，全部都係中前场大将，呢个周末全部上唔到，主帅高比士利都几头痕。而打比郡呢个赛季虽然唔够班，但主场都有一定作战能力，之前仲赢到纽卡素，呢次对住天残地缺嘅韦斯咸，可以威番下喇。

（编辑：Robby）