■新快报记者　任磊斌

书接上一回。“打麻雀”，喺（在）电视、电影里面见识得多喇，今次终于现场观摩咗一镬（一回）。

下昼（下午）4点几，我地几个兄弟嚟到酒楼打点嗰时，已经有雀友开咗几台。麻雀厅开喺宴会厅旁边，识同埋唔识嘅亲戚朋友自由组合，陆陆续续十几台就慢慢满晒。

香港人一般放工都比较晏（晚），所以，多数人集中喺7点半到8点半呢个时段签到。而且，亲朋都係安排喺饭前轮流合影留念，“男方亲戚快啲上嚟，阿Kan（新郎英文名）同事，到你地喇……”司仪开咪带位。

足足9点半，司仪先正式开咪入正题，放拍拖录影片断、进场仪式、切蛋糕。10点先（才）上第一个菜。敬酒同广州呢边都有唔同，广州一般係兄弟陪住（陪着）新郎敬酒，香港就係由最亲嘅亲戚陪同。呢餐一直食到晚上11点半，啲亲朋先（才）叫做散席走晒。

酒店嘅部长同记者讲：“成12点先（才）散係晏咗啲，但普遍都要过咗11点先（才）散，香港人习惯咗饮到咁夜嘎！”

天水围离市区等于我地花都咁远啦，睇嚟，班亲友番到屋企（家）起码要凌晨2点先（才）有得瞓（睡）啦。

听日，记者再同你讲吓香港登记同行礼同我地又有咩唔同，唔好错过啊！

(含辛/编制)